Cyprinus carpio
كُل احنا نعرف انُ اعضاء وصفات الكائنات الحية تظهر انتقائيًا!، طيب مالغاية من شوارب سمك الشبوط؟ من ناحية تطورية، طيب راح نجيها وحدة وحدة.
قبل كل شيء خلي نعرف شنو هي السمكة من الأساس؟
Cyprinus carpio
تُعتبر من أهم أنواع عائلة الشبوطيات الي تكون ضمن طائفة الأسماك العظمية، أهم أمتيازات هي سمكة قاعية يعني تسكن المياه العذبة بالأنهار والبحيرات الي يكون قاعها طيني او عكرة، وعندها نظام تغذية متنوع يتغذى على قشريات، ديدان، طحالب.
-لهنا تمام؟
Barbels
الشبوط عنده زوجين من شوارب على محيط الفم وهذني الشوارب هنه تراكيب حسية
Specialized sensory organs
ومو تراكيب شكلية بس بل مؤلفة من انسجة غنية بالأعصاب الحسية والمستقبلات الكيميائية وميكانيكية.
شنو هذني المستقبلات؟
Chemoreceptors
هاي مسؤولة عن تحسس المركبات الذائبة الموجودة بالمياه.
Mechanoreceptors
هذني يكشفن الأهتزازات الدقيقة وحركة الجزيئات.
هذني شبكة أعصاب مرتبطة بمراكز حسية بالدماغ أمثلهن بـ"تذوق ولمس تحت ماء" بنفس الوقت .
طيب، من ناحية التطورية بشكل موجز حتى تفهم
بهذا الدور تُصنف الشوارب كـ ميزة تكيفية ساعدتها على نجاة وفق مبادئ الانتخاب الطبيعي، شلون؟
-1
من خلال استغلال بيئة محدودة لأن بالبيئات العكرة والطينية تكون الأغذية غنية بس صعبة السمكة توصلها بسبب ضعف البصر بهيج بيئة لذلك وجودهن الحسي خلاها تتحسس وتحدد الغذاء المطلوب بدون ماتشوفهن.
-2
الشوارب رفعت كفاءة البحث عن غذاء خصوصًا بالحفر بالقاع بحيث ترسل إشارات عصبية دقيقة تسمح للشبوط يميز المواد العضوية والرواسب التعبانة مابيها فائدة يعني مايصرف طاقة أعلى مقابل طعام اقل .
-3
قدرتهن على كشف مواد كيميائية حتى تخلي شبوط يتجنب السموم او المياه الملوثة قبل لا تاكلهن وهذا يزيد فرص لياقتها ونجاتها، وايضًا عدها قدرة ودقة بأختيار وضع البيوض لأنها تساعدها بتحديد نوع الرواسب والقوام الامثل حتى تخلي بيوضها وبالتالي حمايتهن من تعفن والأنجراف وهذا يزيد نسبة بقاءهن.
-لهنا عرفنا فائدة هذا الجزء الصغير المُختار بعناية ودقة من الأنتقاء الطبيعي ومااجه جاهز لسواد عيونها او عن عبث او عن صدفة وهنا أمثلك عظمة هذا العلم الي وضحلنا هل أمور الدقيقة.
